ПРОВЕРЕТЕ СИ ГИ СМЕТКИТЕ: Од утре започнува исплатата на МојДДВ, со зголемен износ

Од утре започнува исплатата на Мој ДДВ за првото тромесечје, сега со зголемен лимит од 2.100 денари.

„Во текот на денешниот ден веќе ќе бидат исплатени првите налози. Запрв пат ќе исплатиме 2.100 денари кај сите оние кои преку скенираните сметки дошле до тоа ниво. Средствата што треба да се вратат преку оваа мерка за првото тромесечје се околу 10 милиони евра и тие средства се предвидени во буџетот. Ќе инсистирам секој почеток на тековна година да расте лимитот за поврат на ДДВ на физички лица“, најави заменик претседателката на СДСМ и директорка на Управата за јавни приходи Сања Лукаревска.