Речиси три месеци по владината одлука за трајно користење на 100 лаптопи на градската библиотеката Браќа Миладиновци – Скопје, вчера градските советници не го изгласаа ова барање. Иако директорката Снежана Стојчевска, директно им се обрати на советниците и им објасни во каква ситуација се наоѓа установата, таа не доби подршка од советниците.
„Жално и апсурдно е два месеци вие да немате расположение да ни ги дадете лаптопите кои ни беа доделени од Владата. Работиме во субстандардни услови, во некои од објектите ревизијата се прави буквално на ливчиња. Покрај вработените овие лаптопи ќе се користат и во двете смарт училници од страна на учениците од средните и основните училишта“, посочи директорката на градската библиотка Стојчевска.
И советникот Зоран Георгиевски им се обрати на колегите да го поддржат барањето, велејќи им дека е „жално овие компјутери што се дадени пред скоро три месеци, да седат во магацин“. Но, сепак со 21 советнички глас ЗА и еден воздржан, одлуката остана неприфатена, а компјутерите нема да стигнат во градските библиотеки, туку ќе останат да скапуваат.
Leave a comment