МАГАЗИН

До 14. мај отворена најголемата градина за лалиња во Холандија

Дом на речиси сите видови лалиња, градината Кеукенхоф пречекува над милион гости годишно, со бројни естетски настани. Сместена недалеку од градот Лисe, градината секоја година привлекува...

Холандскиот Кеукенхоф, којшто важи за една од најголемите градини со лалиња во светот, ги отвора вратите за посетителите.

Дом на речиси сите видови лалиња, градината Кеукенхоф пречекува над милион гости годишно, со бројни естетски изложби и настани. Сместена недалеку од градот Лисe, градината секоја година привлекува не само претставници на деловниот свет на градинарството, туку и бројни фотографи и љубители на цвеќиња со разни и различни концепти. Паркот го добил името по замокот Кеукенхоф. Поради краткиот животен век на лалињата, градината останува отворена само од 23 март до 14 мај.

Оваа година, 40 градинари на 32 хектари засадија седум милиони цвеќиња од повеќе од 1.600 видови – главно лалиња.

Во паркот има и пешачка патека долга 15 километри.

По Холанѓаните, градината најмногу ја посетуваат Германци, Британци, Кинези и Американци. Според податоците на управата, 80 отсто од посетителите се странски туристи.

Кеукенхоф е основан 1949 година со замисла да се одржи заедничка изложба на 10 производители на лалиња. Во првата година го посетиле 236.000 луѓе.

Кеукенхоф придава големо значење на културата, па лалињата одгледувани во оваа градина се именувани по уметници како Винсент ван Гог, Рембрант и Андре Кујперс… А, и Бах, Бетовен, Ајнштајн, Кант, Маркс и Гете имаат свои катчиња во градината, којашто е инпирација за многу фотографии.

Повеќе од четири милијарди лалиња се садат годишно во Холандија, а речиси половина од нив се извезуваат. Од нив, 25 отсто се извезуваат во САД, а 60 отсто во европските земји.

 

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

МАГАЗИН

„Епл“ го отстрани „Телеграм“ од својата интернет-продавница за Кина

Американската технолошка корпорација „Епл“ (Apple), на барање на кинеските власти, ги отстрани...

МАГАЗИН

Пластика од целулоза за поздрава животна средина

Идејата за биопластика не е нова – веќе некое време, еколошки ориентирани...

МАГАЗИН

Дали замените за месо од растително потекло се навистина подобри за срцето од опциите за месо?

Како што замените за месо од растително потекло стануваат се попопуларни, истражувачите...

МАГАЗИН

Запален олимпискиот оган за ЛОИ „Париз 2024“

Денес беше запален олимпискиот оган за 33-те Летни Летни олимписки игри „Париз...