КУЛТУРА

ДОДЕЛЕНИ НАГРАДИТЕ НА ЗЛАТНА РАМКА: Тоциновски, Емилија Ивановска Атанасовска и Драги Јанчев – Црни

Почесните награди „Златна рамка“ на петтото издание на филмската ревија посветена на прегледот на годишната продукција на македонските филмови, Друштвото на филмски работници одлучи да бидат доделени на Камка Тоциновски за филмски актер, Емилија Ивановска Атанасовска за филмски автор и Драги Јанчев – Црни за филмски работник.

Наградата „Златна рамка“ за филмски автор, Друштвото на филмски работници на петтото издание на „Златна рамка“ – денови на македонски филм ја доделува на костимографката Емилија Ивановска Атанасовска.

Во нејзината биографија е впишана работата на бројни филмски проекти и филмски серии. Препознатлив печат на нејзината работа е голема посветеност кон дизајнот на костимите, со детално истражување кон карактерите, времето во кое се случува приказната и воопшто комплетно оформување, и голем влог во сеопштиот дизајн на филмското дело со што остава видлива трага и придонес кон македонската кинематографија.
Меѓу најпознатите филмови на кои работела се вброени: долгометражните „Три дена во септември“ на Дарјан Пејовски, „До Балчак“ на Столе Попов, краткометражните „Црвената соба“ и „Роденден“ на Косара Митиќ, „Секој ден мора да се јаде“ на Марко Џоковиќ, потоа сериите „Црвениот поет“, „Збогум Румелија“, „Преспав“, како и бројни комерцијални видео реклами.

Наградата „Златна рамка“ за филмски актер, ДФРМ на петтото издание ја доделува на актерката Камка Тоциновски.

Со повеќе од дваесетина улоги во македонските долгометражни и краткометражни филмови, особено впечатлива и актуелна во последниве десетина години во улогата на храбри женски ликови што ги видовме на големото платно, Камка Тоциновски е несомнено актерка од чиј силен глумачки потенцијал ќе видиме уште многу извонредни улоги во домашната кинематографија.
Дипломирала на ФДУ на отсекот актерска игра во 2001 година. Грижливо ги гради улогите на театарската сцена, и речиси истовремено дебитира на филмското платно.

Публиката ја памети во улогите на мајката на Јан во „Превртено“ на Игор Иванов Изи, Нина во „Панкот не е мртов“ на Владимир Блажевски, Дара во „До Балчак“ на Столе Попов“, Катерина во „Врба“ на Милчо Манчевски, Јоана во „Нема да бидеш сама“ на Горан Столевски, колешката на Кети во „Хомо“ на Игор Иванов Изи и многу други.

Наградата „Златна рамка“ за филмски работник ДФРМ на петтото издание ја доделува на Драги Јанчев-Црни, електричар.

Сложениот технички механизам во создавање на филмот, секако не би функционирал без потребната електрична поддршка. Во оваа работа клучен е секторот светло, во кој електричарот е задолжен за поставување и нагодување на опремата за осветлување, како и за снабдување на електрична енергија на сет по потреба. Тој е во тесна соработка со осветлителот и мајсторот на светло. Драги Јанчев-Црни како електричар посветено работи повеќе од три децении на сетови на македонски филмови и неговите ангажмани значат „сигурност“ за процесот на продукција.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

КУЛТУРА

Алиса Фини доаѓа на Саемот на книга во Скопје како гостинка на македонскиот издавач „Сакам книги“

По големиот успех на минатогодишниот Саем на книгата со еден од најчитаните...

КУЛТУРА

Отворање на изложбата „Денис Боувен“ во МКЦ по повод Светскиот ден на уметноста

По повод 15 април, Светскиот ден на уметноста, Асоцијацијата за култура Икон...

КУЛТУРА

Две нови изведби на перформансот „Мачката Елеонора“ во МКЦ

Две нови изведби на перформансот „Мачката Елеонора“ денеска и утре ќе се...

КУЛТУРА

„Record Store Day 2024“ на 20 април во „Буква“

„Буква“ и „Корпус Деликти“ идната сабота (20 април) од 12 до 17...