СКОПСКИ ВЕСТИ

ПОЧИНА ХИЛДА КОНДОВСКА, ЕДНА ОД ПИОНЕРИТЕ НА МАКЕДОНСКОТО НОВИНАРСТВО

На 82 години почина Хилдегард-Хилда Кондовска, пензионирана ТВ новинарка и уредничка за култура во Македонската радио-телевизија (МТВ), каде била од основањето. Таа важеше за една од водечките новинари за култура и уметност во земјава. Го посвети професионалниот живот на дневната редакција на МТВ, каде што со децении секојдневно известуваше за културните случувања во земјата, а авторка е и на безброј фељтони, репортажи, портрети, со што остави драгоцена ТВ архива за културата во државата, особено за заштитата на културното наследство.

Во МТВ почнува да работи есента 1962 година, веднаш по враќањето од Италија каде ги посетува курсевите што во тоа време ги организираше РАИ (Италијанска радио телевизија). Била новинарка, коментаторка и уредничка на редакцијата за култура и уметност на ТВ дневникот, во кој го поминала најголемиот дел од својот работен век, за да во 1992 година, премине во културна рубрика на МТВ. Била уредничка на серија емисии за нашите македонски цркви и манастири, потоа портрети на современи писатели, композитори, драмски, музички, балетски и ликовни уметници, како и емисии од историјата на македонскиот театар, градот Скопје и други. Работела и за весниците „Нова Македонија“, „Вечер“, „Културен Живот“.

Кондовска беше сопруга на еден од најзначајните македонски сликари, Димитар Кондовски, со кого имаат три деца. Таа е мајка на глумицата од Драмски театар Марија Кондовска и на фотографот Филип Кондовски.  Лани, со нејзина соработка, Националната галерија на Македонија ја организираше ретроспективата на Кондовски во Даут пашин амам, кога беа претставени дела од семејната колекција.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

СКОПСКИ ВЕСТИ

Во скопската Зоолошка се одбележа Светскиот ден на нилскиот коњ

Вчера по повод Светскиот ден на нилскиот коњ, пред живеалиштето на Буцо...

СКОПСКИ ВЕСТИ

Гази Баба првпат оваа година доделува субвенции за сончеви колектори

Општина Гази Баба оваа година за прв пат објави јавен повик за...

СКОПСКИ ВЕСТИ

Оштетени игралишта во Капиштец, Герасимовски со апел да не се вандализира јавното добро

Сите игралишта што беа реконструирани пред неколку месеци се вандализирани. Последен е...

СКОПСКИ ВЕСТИ

Заврши реконструкцијата на детската градинка „Калинка“ во Аеродром

Заврши целосната реконструкција на внатрешноста на објектот „Калинка“ во општина Аеродром. Сега...