Низ Центар избегнувајте ја улица Даме Груев, во дел е затворена и раскопана

Град Скопје вчера почна да ја раскопува улицата Даме Груев во центарот на градот. Повторно без најава за граѓаните, Градот почна со градежни активности овој пат на потегот од ТЦ „Палома Бјанка“ до улица Македонија.

Не терен се поставени знаци дека градежните работи ги изведува ЈП „Улици и патишта“ и дел од улицата е заграден. Вчера со багери се раскопуваше асфлатот, а работниците на терен ни рекоа дека во наредниот период ќе се реконструира овој потег.

Пред една недела Градот ги раскопа и тротоарите долж улицата.

Улицата Даме Груев е крш, со дупки и прокопи на сите страни. Ексградоначалникот Петре Шилегов во својот мандат најавуваше дека улицата Даме Груев ќе ја проширува во булевар како што се предвидува со Генаралниот урбанистички план, за да може „Рекорд“ да го затвори за возила. Граѓаните бараа Град Скопје да се откаже од оваа идеја, затоа што голем дел од зеленилото на улицата треба да сече. По, ова од Градот рекоа дека направиле сообраќајна студија за ценатрот на Скопје и дека улицата ќе остане само со две ленти.