Од денес јавното сообраќајно претпријатие ЈСП – Скопје има нов директор, трет по ред во мандатот на градоначалничката Данела Арсовска. Крсте Петревски, кој досега директоруваше со ЈП Градски паркинг од сега ќе биде прв човек на скопскиот градски превоз на местото на досегашниот Александар Стојковски.
Ќе се снајде ли Петревски со хаосот што владее во градските автобуси, останува да се види, со оглед дека Градот веќе полни четири месеци кубури со јавниот превоз, поради недостиг на автобуси. Иако беше помпезно најавено дека Арсовска си подала рака со приватните превозници, тие се уште не се вклучени во јавниот автобуски превоз.
Со одлука на Арсовска досегашните директори на „Паркови и зеленило“ и „Улици и патишта“ Реџепи Зухејр и Саид Саид, по шест месеци в.д. функција, вчера им додели менаџерски договори со мандат од 4 години.
Leave a comment