Шалтерите за наплата во Дирекцијата на ЈП Водовод и канализација – Скопје, во пресрет на велигденските празници, во петок (14.04.2023) ќе работат само прва смена од 7:30 до 15:30 часот, додека пак во сабота (15.04.2023) и понеделник (17.04.2023), нема да работат. Со редовно работно време ќе продолжат во вторник, 18.04.2023.
Од јавното претпријатие повикуваат, граѓаните да ја искористат можноста дадена преку електронските сервиси, на нивната веб страна www.vodovod-skopje.com.mk.
Полесен и побрз пристап до услугите е овозможен со мобилната апликација на претпријатието. Информациите поврзани со фактурите и нивната наплата се достапни и преку апаратите за наплата распоредени на неколку локации во градот: Дирекција на ЈП Водовод и канализација – Скопје, Одделение за грижа на корисниците во ЈП Комунална Хигиена – Скопје, ГТЦ на приземје, Капитол Мол во Аеродром и Сити Мол во Карпош.
Leave a comment