Социјалните и многудетни семејства нема да плаќаат градинка

Социјалните и многудетни семејства во Општина Гази Баба нема да плаќаат градинка. Од месечен надомест ќе бидат ослободени родители на три деца запишани во градинка, самохран родител со примања до една минимална плата или со останати приходи во износ до една минимална плата, како и во случаи кога двајцата родители се без приходи или самохран невработен родител. Нема да плаќаат градинка ниту семејствата во кои едниот родител е невработен, другиот има примања до една минимална плата. Ослободувањето важи и за родител на деца со категоризација за потешкотии во развојот.