СЦЕНА

ВЕЌЕ НЕ Е НИ СМЕШНО – НОВА ПРЕМИЕРА ВО ТЕАТАР КОМЕДИЈА

„Веќе не е ни смешно“ – претпремиера во Театар Комедија вечерва со почеток од 20 часот.

„Веќе не е ни смешно“ е црна комедија за комедијата денес. Пиеса што ја прикажува приказната за еден комичар кој запаѓа во депресија зашто сите почнуваат да му го јадат лебот. Хуморот, неговиот занает, станува задолжителен, излитен и банален. Комичарот се наоѓа помеѓу чеканот и наковалната: од една страна свет во кој сите се смешни и имаат слобода да го истурат својот лош хумор секаде околу себе, од друга страна цензорското око на збудалената политичка коректност. Како да продолжи да твори фрлен среде океанот на универзалната смешка и со
врзани раце и нозе.

Комедијата на Кокаланов е инспирирана од „Човек што плаче од смеење“на Фредерик Бегбеде и „Човекот што се смее“ на Виктор Иго. Во неа ќе препознаете и алузии на филмот „Џокер“ на Тод Филипс; натажниот живот на големите мајстори на хуморот, како Робин Вилијамс, но, за жал, и на „кловновите“ околу нас, кои безмилосно ја освоија сцената
на смеата.

Костимограф на претставата е Лидија Георгиева, сценографијата е на Марија Ветерова, музиката е на Игор Василев – Новоградска, од останатите соработници автор на плакатот е Мартина Петровска, фото – Кире Галевски и видео – Машина продакшн и светло –  Илија Тарчуговски.

Режијата е на Срџан Јанакијевиќ, автор на текстот е Сашо Коколанов. Во претставата играат: Атанас Атанасовски, Тино Костадиновски, Сергеј Димовски, Тони Денковски, Жаклина Петровска и Виктор Арсов.

На 12.04 повторно имате можност да ја гледате со почеток од 20 часот.

Ова е втора премиера во Комедија. Првата премиера „Жени во собрание“ беше поставена во месец јануари.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

СЦЕНА

„Суперхикс“ на 16 април ќе го промовираат албумот „Сила и нервоза“

Во просториите на Домот на култура „Билјана Беличанец“ во општина Кисела Вода...

СЦЕНА

Изложба на светски познатата медалистка Надја Розева во Чифте Амам

Во тек се последните подготовки за отворањето на самостојната изложба „Медална скулптура“...

СЦЕНА

Со проекција на „Жена-Убиец / Фониса“ во Кинотека завршува Фестивалот на грчки филм

Со проекција на анимираниот краткометражен филм „Поглед од балконот“ на Арис Капланидис...

СЦЕНА

Јубилејно 20. издание на Танц фест Скопје

Во својата програма фестивалот ќе презентира повеќе домашни и странски кореографи на...