Кид експо е прв детски саем кај нас кој ќе се одржи викендов на 8ми и 9ти април, сабота и недела во хотел Александар Палас со почеток од 10:00 до 19:00 часот.
Идејата на организаторите е да понудат поинакво искуство за целото семејство и да излезат малку од рамките на класичен саем на којшто сите се навикнати. „Ваков тип на саем досега се нема случено кај нас, што ни претставува уште поголем предизвик за реализација. Под еден покрив ќе понудиме изложувачи кои се внимателно одбрани и кои имаат одлични и квалитетни производи за децата, од едукација и игри, облека и додатоци, играчки, опрема и мебел, здравје и козметика, храна и пијалоци. Покрај изложбено-продажните штандови, на Кид Експо организираме и Ринг со креативни и спортски работилници, концерти и претстави на Големата сцена, едукативни и интересни предавања за родителите и децата. Она што дополнотелно самиот настан го прави поинтересен е што дел од изложувачите на производи или услуги на самите штандови ќе имаат интерактивно претставување што дополнително ќе ги направи среќни и задоволни дечњата“ – велат организаторите.
За сите оние што сакаат да учествуваат на работилниците треба да знаат дека тие ќе бидат со претходна пријава и ограничен број на деца се со цел ефикасни и ефективни работилници. Пријавувањето ќе биде овозможено преку веб страната www.kidexpo.mk, неколку дена пред настанот.
Картите може да се купат онлајн и чинат 200 денари, додека оние кои ќе сакаат да купат на врата картата ќе чини 250 денари. За деца под 2 години, влезот е бесплатен. Во цената се вклучени сите работилници, спортски активности, предавања, концерти и забава. Посетителите ќе можат директно да купат производи од изложувачите или пак да си го резервираат производот, во зависнот од приципот на работа на самиот изложувач.
Leave a comment