МАГАЗИН

Секој Македонец јаде 40 килограми шеќер годишно

Со годишна потрошувачка на шеќер од 36,7 килограми по глава на жител, земјава е прва во регионот по најголема консумација на благо, а високо позиционирана е во цела Европа.

Ова го покажува анализата за потрошувачка на шеќер во Европа објавена на веб-страницата  „Landgeist maps“. Податоците се преземени од Организацијата за храна и земјоделство на ОН (ФАО) и не вклучуваат само суров шеќер, туку и количините во производите што содржат шеќер.

Следна земја од регионот со најголема потрошувачка на шеќер е Хрватска со потрошувачка од 33,8 килограми по глава на жител, Грција со 31,6 килограми и Бугарија со годишна потрошувачка на шеќер од 27,5 килограми по глава на жител.

Србите годишно консумираат по 22,4 килограми шеќер по глава на жител, а потрошувачката на шеќер во Црна Гора е 21,2 килограми годишно. Најмалку шеќер од регионот конзумираат Словенците (19,4 кг), Албанците (18,6 кг) и граѓаните на Босна и Херцеговина (18,3 кг).

Според анализата на веб-страницата „Landgeist maps“, потрошувачката на шеќер е најголема во западна и централна Европа. Со годишна потрошувачка од 48,3 килограми шеќер по глава на жител, Белгија е прва во Европа и една од земјите со најголема потрошувачка на шеќер во светот.

Други европски земји во кои годишната потрошувачка на шеќер е над 40 килограми по глава на жител се Полска (45,7 кг), Малта (43,8 кг) и Данска (40,4 кг). Најмалку слатко, пак, се консумира во Луксембург – 10,8 килограми, што е огромна разлика во споредба со неговите соседи.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

МАГАЗИН

Креативна работилница за средношколци за пишување поезија „Запознавање со поетскиот универзум на Анте Поповски“

Во рам­ки­те на про­е­ктот „По­е­зи­ја во фар­мер­ки“, кој е со­ста­вен дел од...

МАГАЗИН

Дел од најагресивните раси кучиња

Некои раси кучиња се посклони кон агресивно однесување од останатите, па поради...

МАГАЗИН

Истражувања: Некои особини и одлики се наследуваат главно од мајката

Повеќето човечки особини се полигенски, што значи дека тие се одредени со...

МАГАЗИН

Црната боја – признак за привлечност, интелигенција, самодоверба, црвената асоцира на ароганција

Моќта на бојата на облеката што се носи е потврдена со истражување...