Промоција на книгата „Градот и идентитетот – филмски репрезентации“ од Елена Копртла, во издание на Чудна шума утре во Бруталиск со почеток од 18:30 часот.
Промотори ќе бидат Ивана Васева и Влатко Галевски.
Ова е прва книга на авторката и всушност претставува адаптирана верзија на нејзината докторска дисертација, за која вели дека истражувала околу три години.
Нејзин омилен филмски град и е Мадрид, а во книгата ги има разработено градовите: Истанбул, Загреб, Сараево, Белград и Скопје.
Целта на оваа книга е да поттикне историско разбирање на филмските интерпретации на градот и идентитетот на градските средини.
Од „Чудна шума“ објаснуваат дека зголемениот интерес за просторно-идентитетските феномени ќе придонесе за интересот за урбанитетот и во македонската кинематографија, каде што урбаното најчесто е препознаено и анализирано како спротивност на руралното и фолклорното.
Leave a comment