Лицата со попреченост кои патуваат сами преку Меѓународниот аеродром Скопје отсега ќе можат да добијат помош уште од пристигнување на аеродромот. ТАВ Македонија воведе уште една поволност за патниците со попреченост и покрај веќе постојните опции за најава за пристигнување на аеродром, сега можат да го најават своето пристигнување на самиот влез на паркингот. Тоа можат да го сторат со најавување преку интерфонот, специјално означен и инсталиран за оваа намена.
„Преку овој интерфон, тие можат да контактираат со наш колега од аеродромската служба за помош на патници со попреченост при патување со авион, кој ќе го пречека патникот на паркинг местото наменето за лица со попреченост. Потоа, заедно ќе ги завршат сите аеродромски процедури потребни за патување со авион“, велат од ТАВ Македонија.
За користење на оваа услуга, потребно е лицето со попреченост – патникот да го најави своето пристигнување на аеродромот најдоцна 2 часа пред закажаното време на полетување, како и да се јави и да ја извести авиокомпанија со која ќе патува, туристичкиот агент или туроператорот за нивните барања за помош најмалку 48 часа пред поаѓањето на нивниот лет
Leave a comment