Еден од десет предвремени смртни случаи може да се спречи ако луѓето вежбаат 75 минути неделно или 11 минути на ден. Резултатите се уште подобри за оние кои вежбаат 150 минути неделно или 30 минути дневно, пет пати неделно, се наведува во студијата објавена во British Journal of Sports Medicine, додавајќи дека дури 16% од сите предвремени смртни случаи може да се избегнат доколку луѓето кои воделе седечки начин на живот ги следеле овие упатства.
„Подобро е да правите каква било физичка активност отколку ништо“, вели коавторот на студијата д-р Сорен Брејџ.
ВЛИЈАНИЕТО НА ВЕЖБАЊЕТО ВРЗ РИЗИКОТ ОД РАК И КАРДИОВАСКУЛАРНИ БОЛЕСТИ
Истражувањето опфатило податоци од 94 групи од над 30 милиони учесници, овозможувајќи им на истражувачите широко да ги применат наодите.
Луѓето кои правеле 75 минути умерено до енергично вежбање секоја недела имале 17% помали шанси да развијат кардиоваскуларни болести и 7% помали шанси да развијат рак, во споредба со оние кои седеле и не биле физички активни. Придобивките се зголемуваат како што луѓето вежбале повеќе – оние кои вежбале 150 минути неделно имале 27% помал ризик од кардиоваскуларни болести и 12% помал ризик од рак.
Истражувачите исто така откриле дека вежбањето има поголем ефект врз одредени видови на рак – вежбањето го намалува ризикот од рак на главата и вратот, миелоидната леукемија, миелом и гастричната кардија повеќе од ракот на белите дробови, црниот дроб, ендометриумот, дебелото црево и дојката.
Сепак, овие придобивки почнаа да опаѓаат бидејќи количината на неделна физичка активност продолжи да се зголемува. Вежбањето помеѓу 150 и 300 минути неделно имало само мали придобивки, а секоја разлика во вежбањето повеќе од 300 минути неделно била „неизвесна“, велат истражувачите.
Оваа студија ги потврдува наодите од некои други истражувања објавени неодамна – една студија покажа дека повисоките нивоа на вежбање се поврзани со пониски стапки на хоспитализација за одредени состојби, како што се дијабетес и мозочен удар. Друга открила дека повеќе од 100.000 смртни случаи годишно може да се спречат ако луѓето додадат само 10 минути вежбање во нивната секојдневна рутина.
ЗОШТО ВЕЖБАЊЕТО ИМА ТОЛКУ ЗДРАВСТВЕНИ ПРИДОБИВКИ?
Вежбањето помага да се намали воспалението во телото, го намалува масното ткиво и помага во регулирањето на хормоните и спиењето – сите овие работи функционираат во тандем за да ја одржуваат личноста поздрава, објасни научникот д-р Ерик Вилис, од Центрите за промоција на здравјето и превенција на болести.
Физичката активност, исто така, значително го подобрува квалитетот на животот. Луѓето кои вежбаат се помалку под стрес, депресивни и анксиозни и се чувствуваат посигурни и поенергични.
Почестите вежби го ставаат во акција кардиоваскуларниот систем, што ги одржува крвните садови во практиката на контракција и релаксација и помага да се спречи висок крвен притисок и кардиоваскуларни проблеми.
Вежбањето е исто така важен дел од превенцијата од рак, бидејќи меѓу другото го намалува воспалението и го подобрува имунолошкиот систем. Но, исто така, веројатно е дека оние кои редовно вежбаат генерално живеат поздрав начин на живот, велат научниците.
Leave a comment