За инспекторите во Карпош, ветерот е виновен што на Водно се собира градежно ѓубре. Откако вчера со слика и видео забележавме дека на градежен објект, работниците градежниот шут го фрлаат во блиската шума, побаравме одговор дали Општина Карпош ќе излезе на терен. Зградата што се прави се наоѓа на улицата Козле, до бензиската пумпа на Макпетрол.
„Нашите инспектори веднаш излегоа на терен и направија увид. На лице место е констатирано дека од силниот ветар се разлетал дел од градежниот материјал. Но, на инвеститорот му е наложено да го собере разлетаниот материјал во најбрзо време“, информираат од општината.
Нашата екипа денеска повторно ја регистрираше оваа мини депонија. Особено внимание обрнавме на централизирање на правецот на дување на ветрот, затоа што според ова објаснување излегува дека ветрот е навистина систематичен во однос на дувањето на градежните материјали.
Leave a comment