ПРОЛЕТНА АКЦИЈА: Се уредуваат и чистат парковите и фонтаните во Аеродром

Во општина Аеродром забрзано се чистат парковите и фонтаните во рамките на пролетната акција спроведена од општинските служби. Првите денови на пролетта се наменети за чистење, уредување и пуштање во употреба на фонтаните, како и одржување и уредување на зеленилото во парковите.

Пролетната акција се спроведува на фонтаните на улицата „Тоше Проески“ во Ново Лисиче, како и во парковите „Јане Сандански“, Паркот на езерата, Паркот на светлината, паркот „Бановина“, паркот „Авион“, и паркот „Бојмија“.