Казнети 178 возачи во Скопје, од нив 49 за брзо возење

На територијата на главниот град вчера се изречени вкупно 178 казни во сообраќајот.

Од изречените мерки, 49 се за возење со брзина поголема од дозволената, 13 санкции за непрописно престројување на возила, шест мерки за вградени неатестирани фолии (затемнети стакла), три санкции за недавање првенство на минување на пешаци, шест мерки за користење мобилен телефон при возење, 13 санкции за непрописно престројување на возила,
три санкции за технички неисправни возила во јавниот превоз и 13 мерки за возење без возачка дозвола.

Од МВР најавуваат дека сообраќајните контроли продолжуваат и во наредните денови и апелираат до граѓаните да ги почитуваат сообраќајните правила и прописи за поголема безбедност во сообраќајот и заеднички придонес за посигурни патишта.