Денеска почнува реконструкцијата на улицата „Александар Урдаревски“ во населба Бутел. Улицата ќе се прави на потегот од крстосницата со улица „Боца Иванова“ до улица „Нов Живот“, односно од првата улица за влез во гробишта „Бутел“ потег кој завршува до ул. „Нов Живот“.
Според ЈП Улици и патишта., првата фаза пред почетокот на градежните работи е расчистување на просторот од двете страни на коловозот од отпад и грмушки околу трасата, со цел да се обезбедат услови за понатамошните активности, а во текот на наредните денови ќе започнат и со отстранување на старата и оштетена коцка на улицата (макадамски пат од гранитна коцка).
Со започнувањето на градежните активности кои ќе се одвиваат етапно, прво на едната коловозна лента, а потоа на другата, во текот на наредните денови ќе биде воведен и времен режим на сообраќај кој ќе важи до завршување на градежните работи.
Leave a comment