Општина Карпош за да ги намали сметките за струја почнува со проект за поставување на фотоволтаици на покривите на основните училишта. Најпрво фотоволтаици ќе се постават на училиштата „Владо Тасевски“ и „Војдан Чернодрински“, а парите ќе се обезбедат преку Бирото за регионален развој.
„Во партнерство со општините Кисела Вода, Сопиште и Зелениково ќе поднесеме апликација за добивање на грант во висина од 7.500.000 денари од Бирото за регионален развој. Станува збор за проект кој вклучува поставување на фотонапонски модули на кровните површини во неколку основни училишта, кои се наоѓаат на територијата на горенаведените четири општини. Претходно ќе биде изработен основен проект индивидуално за секое училиште во кое ќе бидат поставени фотоволтаици“, велат од Општина Карпош.
Вкупната вредност на целата инвестиција вклучувајќи ја и изработката на основниот проект е околу 12 милиони денари. Општина Карпош во проектот ќе учествува со сопствени средства од 1.000.000 денари.
Leave a comment